Pérsi 2.7

Platporma Pamedal Semantis Pribadi

Wangenan

Wilujeng sumping. WordPress téh mangrupi proyék nu kalintang husus kanggo simkuring mah. Unggal pamekar sareng pangdeudeul nambihan hal-hal unik kana racikanana, kalayan réréogan simkuring sadaya nyiptakeun hal-hal éndah tangka simkuring ngaraos reueus janten bagian ti antawisna. Rewuan jam parantos dipatotoskeun kanggo WordPress, sareng simkuring sadaya nyimpen perhatosan ageung geusan ngajantenkeunana langkung saé ti dinten ka dinten. Pangnuhun parantos ngajantenkeun WordPress bagian tina dunya anjeun.

— Matt Mullenweg

Instalasi: Nginstal salila 5 menit

Bahékeun berkas gémbolan kana diréktori kosong.
Buka wp-config-sample.php ngagunakeun pangropéa téksu saperti WordPad atawa sabangsana sarta eusian ku inpormasi sambungan databés anjeun.
Teundeun berkas jadi wp-config.php
Unggahkeun sagalana.
Buka /wp-admin/install.php dina panyaba internét anjeun. Hal ieu baris nata tabél nu diperlukeun pikeun blog anjeun. Saupama aya kaliruan, pariksa deui berkas wp-config.php anjeun, laju coba deui. Saupama gagal kénéh, sumangga anjogan panglawungan rojongan anu ceuyah ku rupa-rupa data saloba nu ku anjeun bisa diungkaban.
Catetkeun sandikecap nu dibikeun ka anjeun.
Skrip instalan baris ngajugjugkeun anjeun ka kaca asup log. Asup log ngagunakeun sandiasma admin sarta sandikecap nu digenerasi waktu nginstal. Satuluyna anjeun bisa muru 'Propil' pikeun ngarobah sandikecap.

Ngaronjatkeun

Saméméh anjeun ngaronjatkeun sagala hal, pastikeun heula anjeun mibanda salinan berkas-berkas nu ku anjeun mungkin geus diropéa saperti index.php.

Ngaronjatkeun tina pérsi WordPress saméméh 2.7:

Pupus berkas-berkas WP nu heubeul, teundeun nu geus diropéa.
Unggahkeun berkas-berkas nu anyar.
Arahkeun panyaba internét anjeun ka /wp-admin/upgrade.php.
Anjeun miharep leuwih ti éta, sugan? Ukur sakitu-kituna!

Parobahan Témplat

Mun anjeun geus ngaropéa témplat anjeun, mungkin anjeun kudu nyieun sawatara parobahan kana éta hal. Mun anjeun mindahwangunkeun témplat pérsi 1.2 atawa nu leuwih anyar, kuring nyiptakeun pituduh husus pikeun anjeun.

Sumberdaya Loka

Mun anjeun mibanda patalékan anu teu bisa kajawab ku ieu dokumén, sumangga mangpaatkeun sumberdaya loka WordPress nu ceuyah:

Kodék WordPress: Ieu kodék mangrupa énsiklopédi ngeunaan sagala hal tumali jeung WordPress. Ieu téh mangrupa sumber inpormasi WordPress pangkumplitna nu nyampak.
Blog Pamekaran: Ieu mangrupa tempat pikeun anjeun nimu parobahan sarta warta panganyarna ngeunaan WordPress. Markabukukeun sarta longokan sing mindeng.
Planét WordPress: Ieu Planét mangrupa hiji agrégator warta nu ngahimpun tulisan ti blog-blog WordPress di sakuliah wéb.
Panglawungan Rojongan WordPress: Saupama anjeun geus kokotéténgan ka unggal madhab sarta masih kénéh can nimu jawaban, panglawungan rojongan mah kacida aktipna sarta mibanda komunitas gedé nu sayaga ngabantu. Sangkan maranéhna gampang dina ngabantu anjeun, pastikeun anjeun ngagunakeun judul trid nu pertéla sarta béréndélan pasualan nu jéntré.
Saluran IRC WordPress: Pamungkas, aya saluran wangkongan loka anu digunakeun pikeun tempat ngadu bakona jalma-jalma nu ngagunakeun WordPress sarta aya kalana nyawalakeun hiji pasualan. Kaca wiki di luhur baris nungtun anjeun muru tujuan nu moal méncog. (irc.freenode.net #wordpress)

Saran Sistem

PHP pérsi 4.3 atawa saluhureuna.
MySQL pérsi 4.0 atawa saluhureuna.
... sarta panumbu ka http://su.wordpress.org dina situs anjeun.

WordPress téh mangrupa tuluyan resmi tina b2/cafélog, nu diciptakeun ku Michel V. Ieu karya dituluykeun ku pamekar WordPress. Saupama anjeun mibanda karep ngarojong WordPress, sumangga timbang-timbang donasi.

Ngaronjatkeun tina Sistem Lian

WordPress bisa ngimpor tina sawatara sistem. Kahijina anjeun kudu mibanda WordPress geus diinstal sakumaha nu ditétélakeun di luhur.

Nampeubeungeut XML-RPC jeung Atom

Kiwari anjeun bisa ngirim tulisan ka blog WordPress anjeun ngagunakeun pakakas saperti Windows Live Writer, Ecto, Bloggar, Radio Userland (nu hartina anjeun bisa ngagunakeun pitur surat-é-ka-blog-na Radio), NewzCrawler, jeung pakakas liana anu ngadukung API Blogging! :) Anjeun bisa maca nu leuwih jéntré ngeunaan Dukungan XML-RPC dina Kodék.

Ngirim Tulisan Ngaliwatan Surat-é

Anjeun bisa ngirim tulisan ngaliwatan klién surat-é! Pikeun nyetélkeunana, anjogan layar opsi "Nulis" sarta eusian rincian konéksi akun rusiah POP3 anjeun. Satuluyna anjeun perlu ngaropéa wp-mail.php sangkan ngaéksekusi sacara périodik geusan mariksa tulisan anyar dina kotak surat. Anjeun bisa ngalakukeunana ngagunakeun Cron-jobs, atawa saupama host anjeun henteu ngadukung, anjeun bisa ngungkaban sawatara ladénan panalungtik-situs-wéb, sarta ngajak maranéhna pangmariksakeun URL wp-mail.php anjeun.

Cara ngirim tulisana gampang: Sakur surat-é nu dikirim kana alamat nu ku anjeun ditangtuken baris dipedalkeun, kalawan subyék nu baris jadi judulna. Hadé pisan saupama éta alamat dirusiahkeun. Skrip baris mupus surat-é anu hasil dipedalkeun.

Kalungguhan Pamaké

Kuring geus ngaleungitkeun tingkat pamaké pikeun méré jalan kana sistem kalungguhan anu leuwih pléksibel nu diwanohkeun dina pérsi 2.0. Anjeun bisa maca leuwih jéntré ngeunaan Kalungguhan sarta Kamampuh dina Kodék.

Catetan pamungkas

Mun anjeun mibanda usulan, gagasan, pairan, atawa anjeun nimu (hah!) bug, gabung jeung kuring di Panglawungan Rojongan.
Kiwari WordPress mibanda API plugin nu tohaga sahingga pamekaran kodé jadi gampang. Mun anjeun pamekar nu kataji ku mangpaatna, longok dokuméntasi plugin dina Kodék. Dina kalolobaan kasus, hadéna mah anjeun teu ngaropéa kodé inti saeutik ogé.

Sebarkeun Rasa Cinta

WordPress teu mibanda kompanye pamasaran jutaan dolar atawa dukungan ti sélébriti, tapi kuring mibanda nu leuwih alus tinimbang éta—anjeun téa. Mun anjeun mikaresep WordPress, mangga timbang-timbang keur ngabéjaan babaturan, mangnyetélkeun keur nu kurang kaweruh tinimbang anjeun, atawa nyuratan panulis artikel média anu can eungeuh kana ayana kuring.

Hak Cipta

WordPress dipedalkeun ku payung GPL (ilik license.txt).